काठमाडौं । पछिल्लो २४ घन्टामा कोरोनाका कारण थप ११ जनाको मृत्यु भएको छ ।
बुधबार उल्लेखितको मृत्यु भएसँगै कोरोनाका कारण मृत्यु हुनेको कुल संख्या ८८७ पुगेको छ । सो जानकारी स्वास्थ्य मन्त्रालयका प्रवक्ता जागेश्वर गौत्तमले जानकारी दिएका हुन् ।
पछिल्लो २४ घन्टामा देशभर थप एक हजार ९५४ जना कोरोना संक्रमित पहिचान भएका छन् । नियमित प्रेस ब्रिफिङका क्रममा स्वास्थ्य मन्त्रालयका प्रवक्ता डा जागेरशवर गौतमले कुल आठ हजार २४८ जनामा पिसिआर परीक्षण गर्दा उल्लेखित संक्रमित संख्या पहिचान भएको बताए ।
‘देशभर सक्रिय संक्रमितको संख्या ३९ हजार ६४३ रहेको छ,’ उनले भने, ‘जसमा संस्थागत आइसोलेशनमा ७ हजार ७०९ र होम आइसोलेशनमा ३१ हजार ९३४ छन् ।’
त्यसैगरी, उनले पछिल्लो २४ घन्टामा थप द्ई हजार ९८१ जनाले कोरोना जिती घर फर्किएको जानकारी दिए । उनका अनुसार कोरोनालाई पराजित गरी घर फर्किनेको संख्या एक लाख २१ हजार ८२४ पुगेको छ ।
