काठमाडौं । नेपालमा कोरोनालाई पराजय गरी घर फर्कनेको संख्या ५५ हजार नाघेको  छ । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा मंगलबार सात सय ३१ कोरोना संक्रमणलाई पराजय गरी घर फर्किएका छन् । 

योसँगै कोरोनालाई पराजय गरी घर फर्कनेको संख्या ५५ हजार ३ सय ७१ पुगेको हो । जुन कुल संक्रमित संख्याको  ७२.६ प्रतिशत हो । यसअघि सोमबार सात सय ४२ जना संक्रमित निको भई घर फर्केका थिए । 

मन्त्रालयका अनुसार मंगलबारसम्म पीसीआर विधिबाट हालसम्म परीक्षणहरु १० लाख ९ हजार २ सय ९८ गरिएका छन् ।मुलुकभर सक्रिय कोरोना संक्रमिको संख्या २० हजार ३ सय ९६ जना रहेको मन्त्रालयले जनाएको छ ।

हालसम्म नेपालमा कोरोनाबाट संक्रमित हुनेहरुको संख्या ७६ हजार २ सय ५८ पुगेको छ ।