काठमाडौं । काठमाडौंका थप एक कोरोना संक्रमित पुरुषको ललितपुरमा मृत्यु भएको छ ।
काठमाडौंका ६७ वर्षीय पुरुषको ललितपुरस्थित अल्का अस्पतालमा उपचारको क्रममा (हिजो) मंगलबार साँझ मृत्यु भएको हो ।
स्वास्थ्यमा समस्या देखिएपछि उनी मंगलबार नै अल्का अस्पताल भर्ना भएका थिए ।
उच्च ज्वरो आउनुका साथै श्वासप्रश्वासमा समस्या भएपछि उनलाई अस्पताल भर्ना गरिएको थियो ।
उनको शव व्यवस्थापको तयारी भइरहेको अस्पतालले जानकारी दिएको छ ।
