काठमाडौं । अब सरकारी मान्यताप्राप्त ल्याबमा कोरोना पुष्टि भए मात्र कोरोनाबिमितले सेवा सुविधा पाउने भएका छन् ।
बिमा समितिले स्वास्थ्य मन्त्रालय मातहतका ल्याबले गरेको परीक्षणलाई मात्रै मान्यता दिने मापदण्ड बनाएसँगै निजी ल्याबमा कोरोना पुष्टि भएकाहरु कोरोना बिमा भुक्तानीबाट वञ्चित हुने भएका हुन् ।
कोरोना (कोभिड-१९) महामारी बढिरहँदा लाखौँ नेपालीले यसको बीमा गरेर आर्थिक पाटोमा ढुक्क हुन चाहिरहेका बेला बिमा समितिले नयाँ मापदण्ड बनाएसँगै धेरै बिमा दाबी भुक्तानी पाउनबाट वञ्चित हुन सक्ने सम्भावना बढेको छ ।
पछिल्लो समय सरकारले सरकारी र निजी ल्याबमा कोरोना पुष्टि भएकाहरुलाई अपडेट गरी कोरोना संक्रमितको संख्याबारे जानकारी गराउँदै आएको छ ।
जसका कारण बिमा समितिको चौतर्फी आलोचना भएको छ । अहिलेसम्म १२ लाखभन्दा धेरैले कोभिड बिमा गरेका छन् । जसमा ६ सय जनाले दाबी भुक्तानी दाबी गरेका छन् ।
