बुटवल । बुटवलको कोरोना विशेष अस्पतालमा थप एक कोरोना संक्रमितको मृत्यु भएको छ ।
बुटवल उपमहानगरपालिका वडा नम्बर ८ का ७८ वर्षीय पुरुषको आज बिहान मृत्यु भएको हो ।
उनलाई भदौ ४ गते अस्पताल भर्ना गरिएको थियो । उनमा कोरोना भाइरस संक्रमण पुष्टि भएको थियो ।
भेन्टिलेटरको सहायतामा आइसियूमा उपचार भइरहेकामा आज बिहान मृत्यु भएको अस्पतालका सूचना अधिकारी डा. विष्णु गौतमले जानकारी दिए ।
संक्रमित पुरुषमा मधुमेह र उच्च रक्तचापको समेत समस्या रहेको उनले बताए ।
