जनकपुरधाम । कोरोनाका कारण नेपालमा एक स्वास्थ्यकर्मीको मृत्यु भएको छ ।
महोत्तरीको मनरा सिश्वा नगरपालिका-४ का ३५ वर्षीय हेल्थ असिस्टेन्टमा सोमबार कोरोना पुष्टि भएको हो । उनी नेपालमा कोरोनाका कारण मृत्यु हुने पहिलो स्वास्थ्यकर्मी हुन् ।
श्वासप्रश्वासमा समस्या देखिएपछि भदौ १०मा काठमाडौं लैजाने क्रममा सिन्धुलीमा उनको मृत्यु भएको थियो । सिन्धुलीमा मृत्यु भएसँगै उनको शव पुनः जिल्लामा लगी स्वाब संकलन गरिएको थियो । पछि परीक्षणमा उनमा कोरोना पुष्टि भएको हो ।