बुटवल । रुपन्देहीको बुटवलमा थप एक कोरोना संक्रमितको मृत्यु भएको छ।
मृत्यु हुनेमा रुपन्देही तिलोत्तमा नगरपालिका २ जानकीनगरकी ७० वर्षीया महिला छिन्।
साउन २६ गते कोरोना संक्रमण पुष्टि भएपछि उनी होम आइसोलेसनमा थिइन् । स्वास्थ्यमा थप समस्या आएपछि उनलाई कोरोना विशेष अस्पताल भर्ना गरिएको थियो ।
चार दिनदेखि उनलाई भेन्टिलेटरमा राखिएको थियो । उनको उपचारका क्रममा मृत्यु भएको लुम्बिनी प्रादेशिक अस्पतालका सूचना अधिकारी डा. विष्णु गौतमले जानकारी दिए ।
यसअघि हिजो (बुधबार) राति सोही अस्पतालमा उपचाररत कपिलवस्तु तौलिहवाका ५० वर्षीय कोरोना संक्रमितको पुरुषको मृत्यु भएको थियो ।
