जनकपुरधाम । कोरोना संक्रमणका कारण सर्लाही लालबन्दीकी एक महिलाको काठमाडौंमा मृत्यु भएको छ । शनिबार काठमाडौंको ओम अस्पतालमा उपचारका क्रममा उनको मृत्यु भएको हो ।
एक साताअघि ज्वरो आएर स्वास्थ्य अवस्था बिग्रिएपछि थप उपचारका लागि उनलाई चितवन लगिएको, तर, भरतपुर अस्पतालले भर्ना लिन नमानेपछि उनलाई काठमाडौं ल्याइएको थियो ।
ओम अस्पतालमा उपचारकै क्रममा स्वाब संकलन गरी परीक्षण गर्दा उनमा कोरोना संक्रमण पुष्टि भएको थियो ।