काठमाडौं । कोरोना संक्रमणबाट थप एक जनाको मृत्यु भएको छ । कोरोना भाइरस (कोभिड–१९) को संक्रमणका कारण बिहीबार काठमाडौं भीमसेनस्थानकी ६५ वर्षीया महिलाको निधन भएको हो ।
काठमाडौं मेडिकल कलेजमा उपचार हुँदै गर्दा उनको मृत्यु भएको हो ।
नेपालमा पछिल्लो २४ घण्टामा कोरोना भाइरस संक्रमणकै कारण मृत्यु हुनेको संख्या ७ पुगेको छ।
यस्तै पछिल्लो २४ घण्टामा निको भएर घर फर्किनेको संख्यख दुई सय ६३ पुगेको छ । योसँगै निको भएर घर फर्कनेको संख्या १७ हजार नाै सय ६४ पुगेको छ । हाल ११ हजार पाँच सय ५५ जना सक्रिय सङ्क्रमित छन् भने ११ हजार सात सय ६८ जना क्वरेन्टाइनमा रहेका छन् ।
