काठमाडौं । प्रदेश १ सामाजिक विकास मन्त्रालयले कोसी अस्पताल र विपी कोइराला स्वास्थ्य विज्ञान प्रतिष्ठान धरानमा परीक्षण गर्दा थप २८ जनामा कोरोना संक्रमण पुष्टि भएको जनाएको छ ।
कोरोना पुष्टि हुनेमा सबै झापाका रहेका सामाजिक विकास मन्त्रालयले जनाएको छ ।
कोशी अस्पताल विराटनगरकी मेडिकल सुपरिटेन्डेन्ट डाक्टर संगीता मिश्राले कोशीमा परीक्षण गर्दा २७ जनामा र विपी कोइराला स्वास्थ्य विज्ञान प्रतिष्ठान धरानमा परीक्षण गर्दा भद्रपुरका एक पुरुषमा संक्रमण देखिएको बताइन् ।
झापाका २८ जनामा कोरोना संक्रमण पुष्टि भएसँगै प्रदेश १ मा संक्रमितको संख्या १५८ पुगेको छ ।
