काठमाडौँ । चीनको वुहानबाट सुरु भएको कोरोना भाइरसको संक्रमणले विश्वकै महाशक्ति राष्ट्र  संयुक्त राज्य अमेरिकालाई सबैभन्दा बढी पिरोलिरहेको छ ।

सबैभन्दा बढी संक्रमित अमेरिकामा छन् भने मृत्युको सङ्ख्या पनि बढ्दै गएको छ । चैत २ गतेदेखि मानवीय क्षति ब्यहोरेको अमेरिकामा एक महिना नपुग्दै ११ हजारभन्दा बढीको मृत्यु भइसकेको छ ।

यो समाचार तयार पार्दासम्म विश्वभर संक्रमितको संख्या १३ लाख ७५ हजार पुग्न लागेको छ । विश्वभरमा करिव ७७ हजारभन्दा बढीले मृत्युवरण गर्नु परेको छ ।

इटाली र स्पेनपछि सबैभन्दा बढी मानवीय क्षति भोगेको अमेरिका मर्नेको संख्या ११ हजार नाघिसकेको छ । न्युयोर्क राज्य कोरोनाका लागि इपिसेन्टर बनेको छ । अमेरिकामा तीन लाख ७१ हजार संक्रमित पुग्नै एक लाख ३३ हजार हाराहारी न्युयोर्ककै छन् । अमेरिका भएको कुल मृत्युको करिव ५ हजार ५०० अर्थात् ४५ प्रतिशतले ज्यान गुमाएका छन् ।

अमेरिकामा कुल संक्रमितको ३ दशमलव १२ प्रतिशतले ज्यान गुमाएका छन् । इटालीमा भने यो १२ प्रतिशतभन्दा माथि छ ।

कुल ३ लाख ७१ हजार संक्रमितमध्ये करिव २० हजार उपचारपछि निको भइसकेका छन् ।

ग्राफमा हेर्नुहोस् १५ दिनको संक्रमित र मृत्युको संख्या

दैनिक मृत्युको संख्या र ग्राफ

दैनिक संक्रमितको बढ्दो ग्राफ

टेबुलमा हेर्नुस् अमेरिकामा दैनिक मृत्यु र संक्रमित