हिन्दु संस्कारविरुद्ध लेखेको भन्दै जनता समाजवादी पार्टीको संघीय परिषद्का अध्यक्ष एवं पूर्वप्रधानमन्त्री बाबुराम भट्टराईविरुद्धमा जनकपुरधाममा प्रदर्शन भएको छ । त्यसक्रममा प्रदर्शनकारीहरूले भट्टराईको फोटो जलाएका छन् ।
पूर्वप्रधानमन्त्री भट्टराईले हिजो सामाजिक सञ्जालमा हिन्दु धर्मप्रति कटाक्ष गर्दै पोस्ट गरेका थिए । भारतीय जनता पार्टीका नेता एवं उत्तर प्रदेशका मुख्यमन्त्री योगी आदित्यनाथले गंगा नदीमा दूध चढाएको फोटो राख्दै भट्टराईले 'विश्वास खतरनाक भएको र त्यही विश्वासले दूध बगाउन र पिसाब पिउने बनाएको' भन्ने टिप्पणी सामाजिक सञ्जालमा पोस्ट गरेका थिए ।
हिजै भारतीय जनता पार्टीको विदेश विभाग प्रमुख विजय चौथाइवालेले भट्टराईको पोस्टप्रति आपत्ति जनाएका थिए ।
नेपालमा पनि त्यसको विरोध भइरहेको छ । आस्थामाथि प्रहार भएको भन्दै जनता समाजवादी पार्टी पर्साका ११ जना युवाले पार्टीबाट राजीनामा गरेका थिए ।
उता सप्तरीको राजविराजमा विश्व हिन्दु परिषद् नेपालले डा. भट्टराईको पुत्ला दहन गरेको छ ।
यो हो बाबुरामको विवादास्पद ट्विट
Dear Shri @brb1954 ji, it's quite obvious that you and your classmates would insult Hindu faith and rituals on the occasion of Eid. https://t.co/wNm2nLhaTM
— Dr Vijay Chauthaiwale (@vijai63) July 21, 2021
