काठमाडौं ।नेपाली हास्यव्यङ्ग्य टेलिभिजन कार्यक्रमहरु निर्माण तथा बिक्री गर्ने मिडिया हबले नयाँ टेलिफिल्म ‘तगारो’ निर्माण गरेको छ । यो सिरियल प्रत्येक साताको बिहीबार प्रसारण हुनेछ ।
कृष्ण लामिछानेको निर्देशन रहेको टेलिफिल्मले समसामयिक, सामाजिक, राजनैतिक तथा पारिवारिक कथा देखाउनेछ । कृष्ण र सरिता दुलालको लेखन रहेको टेलिफल्ममा ‘मेरी बास्सै’का निर्देशकसमेत रहेका कलाकार दमन रुपाखेती ‘घरज्वाइँ’ निर्देशन सल्लाहकारका रुपमा रहनेछन् ।
टेलिफिल्ममा कृष्ण लामिछाने, एन्जल बिएसके, आरबी शर्मा, ज्ञानबहादुर खड्का, निरज मोक्तान, नवीन काफ्ले, प्रमिशा क्षेत्रीलगायतका कलाकारहरुको अभिनय रहेको छ ।
टेलिफिल्ममा रेशम दर्लामीको छायांकन, रविन भट्ट, सरिता गौतम र अशोक चौधरीको सम्पादन रहनेछ ।
