काठमाडौं । आपराधिक सत्य घटनामा आधारित नेपालकै पहिलो क्राइम एण्ड इन्भेस्टिगेसन सिरिज, क्राइम फाइल्स कात्तिक महिनादेखि कान्तिपुर टेलिभिजनबाट प्रसारण हुने भएको छ ।
नेपाल भित्रै घटेका विभिन्न किसिमका आपराधिक घटनाहरूको नाट्य रूपान्तरण क्राइम फाइल्स मार्फत प्रस्तुत गरिने छ ।
नेपाल प्रहरीले सुल्झाएका धेरै आपराधिक घटनामध्ये न्यायको दृष्टिकोणबाट हेर्दा महत्त्वपूर्ण र अनुसन्धानको दायराबाट जटिल कथाहरू समेटेर क्राइम फाइल्स निर्माण गरिएको हो ।
यस कार्यक्रमले जनतालाई थप सजग र सतर्क बनाउने विश्वास क्राइम फाइल्स टोलीले लिएको छ । यसको होस्ट सुरज गिरीले गर्नेछन् ।
