काठमाडौं । नेपाल आइडल सिजन-४ का जजहरु फाइनल भएका छन् ।
चौथो सिजनको जजमा सुगम पोखरेल, शुवानी मोक्तान र शम्भुजित बास्कोटा रहने पक्का भएको हो ।
नेपाल आइडलको अफिसियल फेसबुक पेजमा पोस्ट गर्दै यस विषयमा जानकारी दिइएको हो ।
अघिल्लो सिजनसम्म न्ह्यू बज्राचार्य, कालीप्रसाद बास्कोटा र इन्दिरा जोशी जज थिए ।
त्यस्तै यस सिजनमा होस्ट पनि परिवर्तन भएका छन् । अघिल्लो सिजनमा असिफ शाह र माम्पी घोसले कार्यक्रम सञ्चालन गरेका थिए । यस पटक माम्पीको ठाउँमा रेश्मा घिमिरेको इन्ट्री भएको छ ।
यस सिजनका लागि डिजिटल अडिसन सुरु भइसकेको छ । अडिसन समय भदौ ३१ गते सम्म छ ।