गीतकार डी पी दाहाल परिश्रमीले नेपाली नारीहरूको महान् चाड तिजको अवसरमा यो तिजमा फिलिली नाचम्ला बोलको गीतको भिडियो डिलाईटेड युट्युब च्यानल (Delighted Nepal) मार्फत बजारमा ल्याएका छन् ।
अहिले निकै चर्चामा रहेकी मिठो स्वरकी धनी शान्ति श्री परियारले गाउनु भएको लोक लयमा आधारित सो गीत निकै नै कर्णप्रिय छ भने भिडियो पनि उत्कृष्ट बनेको छ । नाचमा अब्बल रहेकी अञ्जली अधिकारीले भिडियो तताएकी छिन । साथमा नयन डिसी, रमा थपलिया र कोरस समूहको अभिनय तथा नृत्य रहेको छ ।
माइती र चेलीको संगम तिजमा हुने संगिनी नाच, जोडी गासी सकेका र गाँस्न बाकी रहेका चेलीहरूलाई गीतले रमाइलो ढंगले समेटेको छ । यस गीतमा गीत रचना डीपी दाहाल परिश्रमी, संगीत पुरुषोत्तम न्यौपाने, एरेन्ज केशव बडूको रहेको छ ।
मारुनी स्टुडियोमा रेकर्ड भएको यस गीतको भिडियोलाई स्मृति तिमिल्सिना गुरुआमाले निर्देशन गरेकी छन् । शान्ति श्री परियार र अञ्जली अधिकारीको अर्को मिठो संयोजन बनेको र गीतले सबै नारीहरूलाई प्रतिनिधित्व गरेको छ । गीतको प्रस्तुतिकर्ता रिता सिम्खडा दाहाल हुन् ।
