एक दशकभन्दा बढी नेपाली सांगीतिक क्षेत्रमा पप गायकको रुपमा चिनिएका संञ्जय चौधरीले थारु भाषामा नयाँ गीत लिएर आएका छन् । पप गायकको रुपमा स्थापित गायक चौधरीले यसपटक थारु भाषाको गीत गाएका हुन् । चितवनीया थारु भाषाको ‘तुइ तनाउ‘’ बोलको गीत म्युजिक भिडियोसहित सार्वजनिक भएको छ ।
उक्त गीतमा गायक चौधरीकै शब्द तथा संगीत रहेको छ। म्याडम्याक्स राइजिङ इन्टरटेनरले सार्वजनिक गरेको भिडियोमा देव महतो र अरिन चौधरीले अभिनय गरेका छन् भने हीरा चौधरीले भिडियोको निर्देशन गरेका छन् ।
विक्रमको छायाँकन रहेको भिडियोलाई सुरज महतोले सम्पादन गरेका छन् । यसअघि गायक सञ्जय चौधरीले ‘तिमी आयौ, गल्ती मेरो छैन, तिमीले यो के गरेको, पञ्चेबाजा जस्ता कर्णप्रिय पप गीतहरू सार्वजनिक गरिसकेका छन् ।
