बलिउडका चर्चित अभिनेता दिलिप कुमारको निधन भएको छ ।
९८ वर्षीय दिलिप कुमारको बुधबार बिहान निधन भएको हो ।
बिहान साढे सात बजे मुम्बईको खार हिन्दुजा अस्पतालमा उनको निधन भएको अस्पतालका चिकित्सकले जानकारी दिएका छन् ।
उनी केही समयदेखि श्वासप्रश्वास सम्बन्धी समस्याबाट पीडित थिए ।
बलिउडमा ‘ट्रयाजेडी किङ’ उपनाम पाएका दीलिप कुमारले फिल्म क्षेत्रमा ६ दशक बिताए । यो अवधिमा उनले ६५ भन्दा बढी चलचित्रमा अभिनय गरे ।
देवदास (१९५५), नयाँ दौर (१९५७), मुघल-ए- आजाम (१९६०), गंगाजमुना (१९६१), क्रान्ति (१९८१), कर्म (१९८६) लगायत फिल्ममा उनको उत्कृष्ट अभिनय छ ।
उनले पद्म विभुषण, पद्म भुषण र दादासाहेव फाल्के अवार्ड पाएका थिए । भारतमा मात्र होइन उनले पाकिस्तानको सबैभन्दा उच्च नागरिक सम्मान निशान-ए-इम्तियाजबाट पनि सम्मानित भएका थिए ।
उनको वास्तविक नाम युसुफ खान हो ।
