सञ्जय कपूरकी छोरी शनाया कपूर बलिउडमा डेब्युको तयारीमा छिन्। बलिउड स्टारका छोराछोरी फिल्म इन्डस्ट्रिजमा आउने एक किसिमको परम्पराकै रुपमा उनी बलिउडमा देखा पर्न लागेकी हुन् ।
उनलाई करण जोहरले आफ्नो प्रोडक्सन हाउस धर्मा प्रोडक्सनको ब्यानरमा रिलिज गर्न लागेका छन् । उनी करण जोहरको हाउस धर्मा प्रोडक्सनमार्फत् ब्यानरमा रिलिज हुन लागेकी हुन् ।
करणले भिडियो शेयर गर्दै लेखेका छन्, ‘हाम्रो फ्यामिलीमा अर्को एक सुन्दर एडिसन थपिएको छ । डीसीए स्क्वाडमा तिमीलाई स्वागत छ शनाया कपूर ।’
शनायाले डेब्यु गर्ने फिल्मको प्रोडक्सन जुलाईबाट सुरु हुने करणले जानकारी गराएका छन् । भिडियोमा शनाया विभिन्न पोजमा देखिएकी छन् । शनायाले पनि यस भिडियोलाई आफ्नो सोशल मिडिया पेजमा शेयर गरेकी छन् ।
