काठमाडौं । स्वर्गीय पत्नी यसोदा सुवेदी श्रेष्ठकाे सम्झनामा वरिष्ठ कलाकार मदनकृष्ण श्रेष्ठले 'बर ढले पिपल एक्लै....पिपल ढले बर' बोलकाे गीत सार्वजनिक गरेका छन् ।
महसञ्चार युट्युव च्यानलमार्फत आज सार्वजिनक गरेकाे उक्त गीतकाे संगीत यमन श्रेष्ठले भरेका छन् । साथै शब्द प्रकट पंगेनीकाे रहेकाे छ । उक्त गीत सार्वजनिक गर्दै उनले लेखेका छन् -'मेरी श्रीमती बाँचीरहेकी भए आज हामी उनको जन्मोत्सव मनाइरहेका हुन्थ्यौँ ।'
उनले थपे-'सँगै हुँदा हाम्रो जीवन खोला वारी र खोला पारीको बर र पिपल जस्तो हैन कि एउटै चौतारीमा उभिएर रमाई रहेका बर पिपल जस्तै थियौं । मेरो त्यो चौतारीको लहलहाउँदो पिपलको रुख ढलेको नि अब त दुई बर्ष नौ महिना भइसकेछ ।'