बलिउड अभिनेत्री पुनम पाण्डेले केही दिनअघि मात्र गुपचुप तवरले आफ्ना प्रेमी सैम बम्बेसँग विवाह गरेकी थिइन् । तर, अहिले दुवैबीच विवाद भएको सार्वजनिक भएको छ ।

पुनमले विवाह घोषणा गरेको लगभग २ सातापछि उनका श्रीमान् सैम बम्बेविरुद्ध मुद्दा दर्ता गराएकी छन् । पुनमका अनुसार सैमले उनीमाथि कुटपिट गरेका छन् । विवाहको यति चाँडै दुबैबीच भएको विवादले प्रहरीसमेत छक्क बनेका छन् ।

पुनम पाण्डेको उजुरीपछि सैमलाई गोवाबाट गिरफ्तार गरिएको छ । अहिलेसम्म पुनमले लगाएको आरोप साबित भएको छैन ।

३६ वर्षीय सैम बम्बे एड फिल्म निर्माता हुन् । उनले अक्षय कुमार, रणबीर कपूर, दीपिका पादुकोण, जैकलीन फर्नान्डिज, तमन्नाह भाटिया, अल्लू अर्जुन र अन्य चर्चित फिल्मस्टार्ससँगको प्रोजेक्टमा काम गरिसकेका छन् । सैमले ओप्पो, स्पार्कस्, अमेजन जस्ता प्रसिद्ध ब्राण्डका विज्ञापन निर्देशन गरिसकेका छन् ।