अभिनेता सुशान्त सिंह राजपूतको मृत्यु प्रकरणमा ड्रग्स एंगलबारे अनुसन्धान गरिरहेको नारकोटिक्स कन्ट्रोल ब्युरोले शनिबार केही बलिउड कलाकारसँग सोधपुछ गर्दैछ ।
अभिनेत्री दीपिका पादुकोण, श्रद्धा कपूर र सारा अली खानसँग शनिबार सोधपुछ हुनेछ । यसअघि शुक्रबार अभिनेत्री रकुल प्रीत सिंह र दीपिकाकी म्यानेजर करिश्मा प्रकाशसँग सोधपुछ भएको थियो ।
एनसीबीले करिश्मा प्रकाशसँग शनिबार पनि सोधपुछ गर्न सक्ने बताइएको छ । यसका साथै एनसीबीले धर्मा प्रोडक्सनका निर्देशक क्षितिज रवि प्रसाद तथा अनुभव चोपडासँग पनि सोधपुछ गरेको छ ।
सुशान्त सिंहको मृत्यु प्रकरणमा ड्रग्स सेवनको विषय बाहिर आएपछि एनसिबीले बलिउड–ड्रग्स नेक्ससको जाँच गरिरहेको छ । एनसीबीको जाँचमा ड्रग्स खरिदका विषयमा अहिलेसम्म थुप्रै बलिउड कलाकारहरुको नाम अगाडि आएको छ ।
