पछिल्लो समय चलचित्र क्षेत्रमा महानायक उपाधीको विषयमा विभिन्न बहस चलिरहेको छ । राजेश हमाललाई दिइएको उक्त महानायक उपाधि अहिले विवादको मुख्य चुरो बनेको छ ।
कतिपय कलाकारले राजेशलाई महनायक स्विकारेका छन् । कतिपयले भने राजेशलाई महानायक मान्न तयार छैनन् । राजेशको योगदानमाथि प्रश्न गरेका छन् ।
यस्तैमा, अभिनेता अनुपविक्रम शाहीले पनि आफ्नो धारणा राखेका छन् । केही दिन अगाडि आफ्नो जन्मदिन मनाएका अनुपले राजेश चलचित्र क्षेत्रको सुनको खम्बा भएको बोले ।
त्योमात्र होइन सोमबार सामाजिक संजालमा राजेशसँगको फोटो पोष्ट गर्दै चलचित्र क्षेत्रको एकमात्र महानायक राजेश भएको उल्लेख गरे । उनले लेखेका छन्- ‘चलचित्र क्षेत्रको एक मात्र महानायक राजेश हमाल’ ।
राजेश र अनुपले धेरै चलचित्रमा काम गरेका छैनन् । राजेश हिरो भएको ‘हसिँया’मा अनुप भिलेन बनेका थिए ।
