‘प्रेम गीत’ सिरिजका निर्माता सन्तोष सेन प्रेम गीतको चौथो सिरिज निर्माणको तयारीमा जुटेका छन् । कोरोनाका कारण ‘प्रेम गीत ३’ रिलिज हुन पाएन । तेस्रो सिरिज रिलिज नहुँदै सेन चौथो सिरिजको तयारीमा जुटेका हुन् ।
निर्माता सेनका अनुसार अहिले चलचित्रको आइडियामा काम भइरहेको छ । प्रेम गीत ३ का मुख्य टिमहरु बसेर नै चौथो सिरिजको आइडिया तयार गरिरहेको निर्माता सेनले बताए ।
चलचित्रको विषयवस्तु निकै गम्भीर भएको निर्माता सेनको भनाई छ । चलचित्रलाई देशमा भन्दा पनि विदेशमा बढी खिच्नुपर्ने भएकाले लगानी पनि उच्च हुने सेनले बताए ।
सन्तोषले केही समयअगाडि अर्को चलचित्रको पनि निर्माण घोषणा गरेका छन् । प्रदीप खड्का मुख्य भूमिकामा प्रस्तुत हुने उक्त चलचित्र भने पूर्ण रूपमा कमेडी कथामा निर्माण हुने बताइएको छ ।
अहिले निर्माता सेन दुबै चलचित्रको काममा लागिरहेका छन् ।
