केही दिन अगाडि अभिनेता तथा निर्माता दीपकराज गिरीले आफ्नो दुई चलचित्र ‘छक्का पञ्जा ३’ र ‘छ माया छपक्कै’लाई एक एप्सबाट रिलिज गर्ने बताएका थिए । तर, उनले उक्त एप्सको विषयमा बोलेका थिएनन् ।
अहिले उक्त एप्सको विषयमा समचार बाहिरिएको छ । नायिका ऋचा शर्माले अमेरिकन टिमसँग मिलेर संचालन गर्न लागेको ‘चलचित्र टिभी’ नामक एप्समा यी दुई चलचित्र रिलिज हुनेछन् । समचार स्रोतका अनुसार ऋचाले यी दुई चलचित्रको लागि राम्रो पैसा तिरेकी छिन् ।
यस एप्स जुन २४ तारिखमा सार्वजनिक गर्ने तयारी भइरहेको छ । यस एप्समा नेपाली चलचित्रहरु पैसा तिरेर हेर्न मिल्नेछ ।
अहिले निर्माता तथा चलचित्रकर्मीहरु आफ्नो चलचित्रलाई डिजटल प्ल्याटफर्ममा रिलिज गर्ने चलन सुरु गर्न थालेका छन् । यस्तै एप्सहरुमा चलचित्र रिलिज गर्ने हो भने निर्मातालाई पनि ठुलो राहत हुने चलचित्रकर्मीहरुको भनाई छ ।
