हलिउड तथा बलिउडमा ख्याती कमाएकी अभिनेत्री प्रियंका चोपडा विवादमा तानिएकी छिन् । विश्वभर रंगभेदविरुद्ध आन्दोलन चर्किरहेको समयमा प्रियंकाले ‘फेयर एन्ड लभली’ को प्रचार गरेपछि प्रियंकाको यतिबेला चौतर्फी आलोचना भइरहेको छ ।
जोर्ज फ्लोएडको हत्याको विषयलाई लिएर हालै अमेरिकामा रंगभेदविरुद्धको आन्दोलन चर्किएको थियो । गत मे २५ मा जर्जको प्रहरीको नियन्त्रणकै क्रममा मृत्यु भएपछि निक जोनास र प्रियंका दुवैले ‘ब्ल्याक लाइभ्स म्याटर’ को अभियानलाई समर्थन जनाएका थिए ।
दुवैले अश्वेतको जीवनले पनि अर्थ राख्छ भन्दै सामाजिक सन्जालमा पोस्टहरु गरेका थिए । तर, रंगभेदविरुद्ध आवाज उठाएकी प्रियंकाले यसबीचमै छाला गोरो बनाउने क्रिम ‘फेयर एन्ड लभली’को प्रचार गरेपछि उनलाई मानिसहरुले सामाजिक संजालमार्फत खुबै विरोध जनाएका हुन् ।