पूजा शर्मा र पल शाहको मुख्य भूमिका रहेको चलचित्र 'म यस्तो गीत गाउँछु २' रिलिजको तयारीमा थियो । रिलिजको एक साता मात्र बाकीँ हुदाँ चलचित्र पूर्ण रुपमा तयार भइसकेको थियो ।
तर, कोरोनाका कारण हल बन्द हुदाँ चलचित्र रिलिज हुन पाएन । चलचित्र अनिश्चित समयको लागि पछाडि धकेलियो ।
कोरोनाका कारण नेपाल पूर्ण रुपमा लकडाउन हुदाँ अब चलचित्र हल कहिले खुल्ने हो र 'पेन्डिङ' रहेका चलचित्रहरु कहिले रिलिज हुने हुन् पत्तो छैन ।
चलचित्र 'म यस्तो गीत गाउँछु २'को हालत पनि उस्तै छ । अहिले नै चलचित्रको रिलिज मिति तय गरिहाल्ने अवस्था छैन ।
निर्देशक सुदर्शन थापा अहिले नै रिलिजको विषयमा सोचेर टाउको दुखाउने मन नभएको बताउँछन् । उनले भन्ने गरेका छन्, 'अहिले नै यो विषयमा सोचेर टाउको दुखाउन हुन्न । यसको बारेमा पछि नै सोचौला ।'
त्यस्तै, कलाकारद्वय पल र पूजा पनि यस विषयमा अन्योल नै छन् । चलचित्र कहिले रिलिज होला उनीहरुलाई पत्तो छैन ।
तर, पल र पूजा चलचित्र रिलिज भएपछि दर्शकको साथ पाउनेमा विश्वस्त छन् ।
