मुम्बई । कोरोना भाइरसको महामारीका बीच भारतमा लकडाउन जारी छ । बलिउड सेलिब्रेटीहरु लकडाउनमा घरमै बस्न बाध्य छन् ।
सम्पन्न (धनी) मानिसका घरमा बाहिरबाट कामदार आउन सकेका छैनन् । जसका कारण कतिपय सेलिब्रेटी आफैंले घरको काम गर्नुपरेको छ ।
यस्तै, लकडाउनका कारण आफ्नो घरमा काम गर्ने महिला नआएपछि बलिउड अभिनेत्री सन्नी लियोनीको दैनिकी घरायसी काम गर्दै बित्ने गरेको छ ।
सन्नीले यो अवधिमा आफूले घरको काम गर्न सिकेको बताएकी छिन् । यसअघि कोरोना संक्रमणबाट कसरी जोगिने भन्ने विषयमा सन्देश दिँदै आएकी सन्नीले हालै घरमा जुत्ताको माध्यमबाट कोरोना आएको छ भने त्यसलाई कसरी सफा गर्ने भन्ने उपाय सिकाएकी छन् ।
अहिलेको अवस्थामा घरको बरन्डा कसरी सफा गर्ने भन्ने तरिकाको भिडियो उनले शेयर गरेकी छिन् ।
उनले घर सफा गर्दै गरेको भिडियो सामाजिक सञ्जालमा निकै भाइरल भइरहेको छ । कतिपयले उनको यो कामको खुलेर प्रशंसा गरेका छन् ।
उनको मिहिनेत राम्रो भएको भन्दै अभिनेत्री सनीलाई यस्तो काममा निरन्तरता दिन बताएका सुझाव दिएका छन् । कसैले भने 'काम नपाएर नाटक गरेर बसेको' टिप्पणी समेत गरेका छन् ।