नेपाली युवा दिवेश पोखरेल चर्चित गायन रियालिटी शो ‘अमेरिकन आइडल’को टप १० मा प्रवेश गरेका छन् ।
जोन डेनभरको चर्चित गीत ‘कन्ट्री रोड’ गाउँदै उनले टप १० मा आफ्नो स्थान सुरक्षित बनाएका हुन् ।
‘अर्थर गन’ नामले परिचित दिवेशले अमेरिकन आइडलको अडिसनदेखि नै निर्णायकहरुको तारिफ र फ्यानहरुको प्रशंसा बटुल्दै आएका छन् । दिवेशले निर्णयकहरुबाट स्ट्यान्डिङ अवेशन पाइरहेका छन् ।
टप १० मा छनोट भएपछि दिवेशले आफ्ना समर्थकहरुलाई धन्यवाद दिएका छन् । उनले फेसबुकमा स्टाटस लेख्दै संसारभरबाट आफूलाई ठूलो माया र हौसला दिनेप्रति कृतज्ञता व्यक्त गरेका छन् । आगमी दिनहरुमा पनि उनले साथ र सहयोगको अपेक्षा राखेका छन् ।
