एजेन्सी । बलिवुडका चर्चित अभिनेता ऋषि कपुरको ६७ वर्षको उमेरमा निधन भएको छ ।
क्यानन्सरबाट ग्रसित कपूर मुम्बईको एचएन रिलायन्स फाउन्डेशन अस्पतालमा भर्ना भएका थिए ।
अस्पतालमा उपचारको क्रममा उनको निधन भएको हो । बिहान पाँच बजेर २० मिनेटमा उनको निधन भएको अस्पतालले जानकारी दिएको छ ।
अभिनेता अमिताभ बच्चनले कपूरको निधन भएको जानकारी सामाजिक सञ्जालमार्फत दिएका थिए ।
अमिताभले लेखेका छन्, 'उनी गए..! ऋषि कपूर गए.. उनको निधन भयो.. म टुटेको छु ।'
T 3517 - He's GONE .. ! Rishi Kapoor .. gone .. just passed away ..
— Amitabh Bachchan (@SrBachchan) April 30, 2020
I am destroyed !
अमेरिकामा लगभग एक वर्षसम्म क्यान्सरको उपचार गराएपछि अभिनेता ऋषि कपूर गत सेप्टेम्बरमा भारत फर्किएका थिए ।
यस वर्ष फेब्रुअरीमा पनि स्वास्थ्य बिग्रिएपछि उनलाई दुई पटक अस्पताल भर्ना गरिएको थियो ।
बलिउड फिल्म इण्डस्ट्रीमा ऋषि कपूरको निकै ठूलो योगदान छ । उनले थुप्रै सुपरहिट फिल्ममा काम गरेका छन् ।
हिजोमात्र बलिउडका चर्चित अभिनेता इरफान खानको निधन भएको थियो ।
लगातार दुई जना दिग्गज कलाकारको निधनपछि बलिउड फिल्म इण्डष्ट्री निकै शोकमा छ ।
