बलिउड अभिनेता इरफान खानको बुधबार निधन भयो । स्वस्थ्यमा समस्या आएपछि मंगलबार अस्पतालमा भर्ना भएका इरफानले बुधबार संसारबाट बिदा लिए ।
अभिनेता खानको अन्तिम संस्कार पनि बुधबार नै गरिएको छ । बुधबार साँझ मुम्बई पुलिसको निगरानीमा इरफानको अन्तिम संस्कार गरिएको हो । उनको लासलाई अंधेरीको यारी रोड, वर्सोवा क्रिबिस्तानमा राखिएको छ ।
इरफानको अन्तिम संस्कारमा जम्मा २० जना मात्र व्यक्तिहरु उपस्थित थिए । लकडाउनको नियमलाई पालना गर्दै २० जना भन्दा बढि भेला नगरिएको हो ।
उनको अन्तिम संस्कारको यात्राको बलिउडका कोही पनि सेलिब्रेटीहरुको उपस्थिती हुन सकेनन् ।
५४ वर्षिय इरफानलाई केही समयदेखि न्यूरोइन्डोक्राइन भएको थियो । त्यहीँ रोगका कारण उनको मृत्यु भएको हो ।
