केही दिन अगाडि अभिनेता सरोज खानाल अमेरिका उडे । आमेरिकाले आफ्नो नागरिकलाई स्वदेश फर्काउन चार्टड गरेको विमान चडेर उनी अमेरिका पुगेका हुन् ।
सरोज अमेरिकी नागरिक हुन् । उनले त्यहाँको नागरिकता लिएका छन् । त्यसैले पनि उनी नेपाललाई बिर्सिएर अमेरिका उडेका थिए ।
सरोज अमेरिका उडेको कुराको धेरै आलोचना भयो । धेरैले उनलाई नकरात्मक प्रतिकृया दिए । तर, अमेरिका पुगेपछि सरोजले यस्तो अवस्थामा आफ्नो परिवारसँग समय बिताउन उचित सम्झेर अमेरिका आएको बताएका छन् ।
सामाजिक संजालमा परिवार सहितको तस्विर पोष्ट गर्दै उनले लेखेका छन्, ‘जसले जे भने पनि यो समय परिवारसँग समय बिताउन उचित सम्झिएँ । जे पर्ला त्यही टर्ला ।’
सरोज केही समय अगाडि अमेरिकाको सम्पूर्ण सुखभोग त्यागेर नेपाल फर्किएको बताएका थिए । तर, आपतको समयमा उनी नेपाललाई बिर्सिएर अमेरिका उडेका हुन् ।
