एजेन्सी । सन् १९४९ अप्रिल ४ मा भारतको जूनागढमा परवीन बाबीको जन्म भयो ।
माता पिताको विवाहको १० वर्षपछि परवीन जन्मिएकी थिइन् ।
जब उनी १० वर्षकी थिइन्, उनको पिताको मृत्यु भयो ।
पारिवारिक पृष्ठभूमि केही नभए पनि उनी ७० को दशक (गोल्डेन इरा) मा बलिउड इन्डष्ट्रिकी चर्चित अभिनेत्री बन्न सफल भइन् ।
त्यस समयमा बढी पारिश्रमिक लिने अभिनेत्रीको सूचीमा उनी पनि थिइन् ।
परवीनले ७० को दशकमा ठूला स्टारहरुसँग काम गरिन् । उनले अमिताभ बच्चनसँग ८ वटा फिल्ममा काम गरिन् ।
अमिताभसँग उनको पहिलो फिल्म निकै हिट भएको थियो । फिल्मको नाम थियो, मजबूर ।
तर, यो पनि भनिन्छ कि, यी तिनै अमिताभ हुन् जसमाथि परवीनले आरोप लगाएकी थिइन् कि, अमिताभले मलाई मार्न चाहन्छन् र मेरो पछि परेका छन् ।
तर अमिताभ मात्र होइन परवीनले हरेक पुरुषको बारेमा यस्तै सोच्ने गर्दथिन् । उनी एक रोगबाट ग्रसित थिइन् ।
उनको मनमा यती इनसिक्योरिटी थियो कि जब मिडियाकर्मी उनको अन्तर्वार्ता लिन आउँथे, तब उनले पहिले आफ्नो खाना उनीहरुलाई चाख्न लगाउँथिन्, कतै खानामा विष मिलाइएको त छैन भनेर ।
दिनहरु बित्दै गए परवीनको हालत बिग्रदै गयो । परवीन तीन जनासँग गहिराे रिलेशनमा रहिन् ।
तर, कसैसँगको रिलेशन पनि सफल हुन सकेन । जसकारण उनी भित्रबाट निकै कमजोर हुँदै गइन् ।
परवीन कबीर बेदीसँग रिलेशनमा थिइन् । प्रोतिमा बेदीलाई छाडेर कबीरले परवीनसँग सम्बन्ध बनाएका थिए ।
त्यसपछि जब प्रोतिमाले दुवै जनासँग भेट गरिन्, तब उनी हैरान भइन् । कबीरले परवीनलाई पनि छाडिदिन्छ भन्ने डर प्रोतिमालाई थियो । भयो त्यस्तै ।
महेश भट्ट र परवीनबीच भेटघाट भएको समयमा परवीन सुपरस्टार थिइन् । दुबैजनाबीच गहिरो प्रेम सम्बन्ध थियो ।
जब महेशले परवीनको बिमारीको बारेमा थाहा पाए, तब उनी परवीनदेखि टाढा भए । महेश विवाहित समेत थिए ।
परवीन डेनी डेन्जोप्पासँग पनि रिलेशनमा रहिन् ।
तर डेनीसँग पनि परवीनको सम्बन्ध टिक्न सकेन ।
यसैबीच, सन् २००५ जनवरी २० मा मुम्बईमा परवीनको मृत्यु भयो ।
जब उनको मृत्यु भयो त्यसको तेस्रो दिन मात्र छिमेकीलाई थाहा भयो । र छिमेकीले प्रहरीलाई जानकारी गराए ।
यति बोल्ड, सफल र सुन्दर अभिनेत्रीको यसरी दुखद अन्त्य भएको थियो ।