एजेन्सी । बलिउड अभिनेत्री सोनम कपुर कोरोना भाइरसको त्रासबीच लण्डनबाट भारत फर्किएकी छिन् ।
सोनमले भारत आउनुअघि समाजिक सञ्जाल इन्स्टाग्राममा एक भिडियो शेयर गर्दै आफू श्रीमान् सहित भारत आउन लागेको बताएकी छिन् ।
उनले भनेकी छिन्, ‘म आफ्ना श्रीमान्सहित भारत जाँदै छु । घर जान म निकै आतुर छु । लभ यू अल ।’
भारतको एयरपोर्टमा ल्याण्ड गरेपछि उनले भारतीय सरकार र कोरोनाविरुद्ध लड्नका लागि अपनाइएको तयारीको तारिफ समेत गर्न भ्याएकी छिन् ।
सोनमले भनेकी छिन्, ‘एयरपोर्टमा विभिन्न स्थानमा परीक्षण भयो ।’
एयरपोर्टबाट घर पुगेपछि सोनम परिवारसँगै बसेकी छिन् तर आफू घरकै आइसोलेशनमा बस्ने निर्णय लिएकी छिन् ।
अहिले अधिकांश बलिउड कलाकार भाइरसबाट बच्नका लागि आफ्नो घरमै बसिरहेका छन् ।
