एजेन्सी । साउथ इन्डियन इण्डष्ट्रिमा तमिल, कन्नड तथा तेलुगु फिल्ममा काम गरिसकेकी चर्चित अभिनेत्री प्रणीता सुभाष बलिउडमा डेब्यू गर्दैछिन् ।
प्रणीता फिल्म हंगामा २ बाट बलिउडमा डेब्यू गर्न लागेकी हुन् । यो फिल्म अगस्ट १४ मा रिलिज हुँदैछ ।
फिल्म हंगामा २ मा प्रणीता सँगै मीजान जाफरी, शिल्पा शेट्टी तथा परेश रावल मुख्य भूमिकामा रहनेछन् ।
हंगामा २ लाई प्रियदर्शनले निर्देशन गर्ने बताइएको छ । प्रियदर्शनले फिल्मको पहिलो पार्ट २००३ मा बनाएका थिए ।
सन् २०१० मा प्रणीताले कन्नड फिल्म पोर्कीबाट फिल्मी करियर सुरु गरेकी थिइन् ।
सन् २०११ मा तमिल फिल्ममा डेब्यू गरेकी प्रणीताले यही वर्ष तेलुगु फिल्ममा डेब्यू गरेकी थिइन् ।
फिल्म हंगामा २ पछि प्रणीता अजय देवगनको अपकमिङ फिल्म 'भुजः द प्राइड अफ इण्डिया'मा समेत देखिनेछिन् । फिल्ममा उनी अजय देवगनकी पत्नीको भूमिकामा देखिनेछिन् ।
प्रणीताले हालै अभिनेता आयुष्मान खुरानाको अपोजिटमा रहेर 'चन कित्था' बोलको गीत (म्युजिक भिडियो) मा देखिएकी थिइन् ।
