एजेन्सी । बलिउड अभिनेत्री नुसरत भरुचा ड्रेसका कारण निकै ट्रोल भएकी थिइन्। आफ्नो ड्रेसमाथि निकै ट्रोल भएपछि उनले जवाफ दिएकी छिन् ।
नुसरतले भनेकी छिन्, ‘हाम्रो देशमा सबैजनाले आफ्नो धारणा व्यक्त गर्न सक्छन् । जसरी सबैले आफ्नो सुझाव दिन सक्छन्, त्यसरी नै मलाई आफूलाई मन पर्ने कपडा लगाउने अधिकार छ । ’
उक्त पहिरन लगाएपछि आफूमा आत्मविश्वास बढेको बताउँदै उनले उक्त पहिरन कन्फिडेन्सका साथ क्यारी गर्न सकेको बताइन् ।
यदि ड्रेस राम्रोसँग फिट नभएको भए वा उत्कृष्ट नभएको भए आफूले त्यो ड्रेस नलगाउने उनले उल्लेख गरेकी छिन् ।
आफूलाई साथीहरुले पनि उक्त पहिरनको निकै तारिफ गरेको उनले सुनाइन् ।
उनले भनेकी छिन्, ‘मलाई यो ड्रेसमा आएको कुनै नकारात्मक कमेन्टले न त कुनै फरक पर्छ न त यसले चिन्तित नै बनाएको छ । ’
नुसरतलाई आयुष्मान खुराना स्टारर ‘ड्रिम गर्ल’ मा मुख्य नायिकाको रुपमा देखिएको थियो ।
