एजेन्सी । बलिउड अभिनेता अक्षय कुमारले हालै सामाजिक सञ्जालमा एक भिडियो शेयर गरेका छन् ।
अहिले त्याे भिडियो निकै भाइरल भइरहेको छ । अक्षयले अभिनेत्री कैटरिना कैफको भिडियो शेयर गरेका हुन् ।
भिडियोमा कैटरिना झाडु लगाइरहेकी छिन् । यो भिडियो फिल्म सूर्यवंशीको शुटिङको क्रममा अक्षयले खिचेका हुन् ।
अक्षयले भनेका छन्, 'कैटरिनाजी, यो तपाइँ के गर्दै हुनुहुन्छ ?' जवाफमा कैटरिनाले भनेकी छिन्, 'सफाइ गर्दैछु ।'
रोहित सेट्टी र करन जोहरको पहिलो प्रोडक्शनमा बनेको यस फिल्ममा अक्षय, कैटरिना, अजय देवगन, रणवीर सिंह समेत देखिनेछन् । फिल्म मार्च २७ मा रिलिज हुनेछ ।
फिल्ममा पुरानो गीत 'टिप टिप वर्षा'को रिमेक भर्सन समेत समावेश छ ।
