मुकुन्द भट्ट निर्देशित चलचित्र ‘लप्पन छप्पन २’ टिजर सार्वजनिक भएको छ । शुक्रवार सार्वजनिक गरिएको टिजरमा चलचित्रमा मुख्य कलाकार शिव श्रेष्ठ, सौगात मल्ल, अर्पण थापा र अनुपविक्रम शाहीलाई देखाइएको छ ।
खिलेन्द्रराज तिमसिनाको प्रस्तुतिमा बनेको ‘लप्पन छप्पन २’ चलचित्रको मेकिङ क्वालिटी निकै उच्च देखिन्छ । पुरुषोत्तम प्रधानको छायांकन प्रशंसनिय छ । चलचित्रको पटकथा र संवादमा निर्देशक भट्ट र सुनिल नेउरेले काम गरेका छन् । भने, पटकथामा अमित शर्माको पनि साथ छ ।
चलचित्रमा शक्ति श्रेष्ठ, गोविन्द शाही, प्रकाश कुँवर, दीपक क्षेत्री, नविन मानन्धर, विशाल पहारी, किशोर भट्ट, सरिता गिरी लगायत पनि चलचित्रमा छन् । चलचित्रबाट केरोलिन कोलिन्डा, सुपर गुरुङ, आना ढकाल, श्रृजना सिना, रन्जीत ओन्तालगायतले डेब्यू गरेका छन् ।
‘गोल्डेन हिल्स पिक्चर्स’सँग इपी एजुकेशन अस्ट्रेलिया, युएमआइ ग्रुप युरोप र एमएसी मिडियाले सहकार्यमा बेनेको चलचित्रमा सुरज अधिकारी र प्रजापति सिवाकोटीको कार्यकारी निर्माता रहेका छन् । चलचित्रमा चिजकुमार श्रेष्ठ, प्रकाश कुँवर, निर्मलकुमार मिश्र, सुदिपचन्द्र भक्रेल र सन्तोषचन्द्र भक्रेलको लगानी रहेको छ ।
