पछिल्लो २४ घण्टामा २७० जना कोरोना संक्रमण मुक्त भएका छन्। त्यस्तै ४१६ जनामा कोरोना भाइरस संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार ७ हजार ५४५ जनाको पीसीआर परीक्षण गर्दा ३६७ जना र ४ हजार ८४८ जनाको एन्टिजेन परीक्षण गर्दा ४९ जना गरी ४१६ जनामा कोरोना भाइरसको संक्रमण देखिएको हो।
यस्तै पछिल्लो २४ घण्टामा कोरोना संक्रमणबाट १ जनाको मृत्यु भएको छ। यससँगै कूल मृतकको संख्या ११ हजार ४७८ पुगेको छ। कूल निको हुनेको संख्या ७ लाख ९८ हजार ५४४ पुगेको छ। कूल संक्रमितको संख्या पीसीआर विधिबाट ८ लाख १७ हजार ३३३ र एन्टीजेनबाट ९५ हजार १३६ पुगेको छ।
नेपालमा हाल ७ हजार ३११ जना सक्रिय संक्रमित रहेका छन्।
