चैत १६, २०८०, शुक्रबार
               

बाढीपहिरो अपडेट : ८८ को मृत्यु पुष्टि, ३० बेपत्ता

नेपाल फ्ल्यास
कात्तिक ०४, २०७८

ADVERTISEMENT

काठमाडौं : बेमौसमी वर्षापछि आएको बाढीपहिरो र डुबानबाट बिहीबार बिहानसम्ममा मुलुकका विभिन्‍न जिल्लामा ८८ जनाको मृत्यु भएको गृह मन्त्रालयले जनाएको छ।

मन्त्रालयको विपद् व्यवस्थापन महाशाखाका अनुसार कुल ३० जना बेपत्ता भएका छन्। अधिकांशको पहिराका कारण ज्यान गएको हो। आज मात्रै ११ जनाको मृत्यु पुष्टि भएको छ। यसअघि बुधबार ६३ र मंगलबार १४ को मृत्यु पुष्टि भएको थियो। विपद्मा परेर पाँचथरमा मात्रै सबैभन्दा बढी २७ जनाको मृत्यु भएको छ।इलाम र डोटीमा १३-१३ जनाको मृत्यु भएको छ।

यस्तै, कालीकोट, बैतडी, डडेलधुरा, बझाङ, हुम्ला, सोलुखुम्बु, प्युठान, धनकुटा, मोरङ, सुनसरी, उदयपुरलगायत १५ जिल्लामा मानवीय क्षति भएको महाशाखाका प्रमुख हुमकला पाण्डेले जानकारी दिए। विपद्‍बाट २० जिल्ला प्रभावित भएको छ। बझाङमा सबैभन्दा बढी २१ जना हराइरहेका छन्।

पाँचथरमा चारसहित विभिन्न जिल्लामा गरेर ३० बेपत्ता रहेको गृह मन्त्रालयले जनाएको छ।आजबाट भने मौसममा सुधार आएको छ।


कस्तो लाग्यो ?

यो पनि