नेपालमा थप ८३४ संक्रमित थपिएका छन् । पछिल्लो २४ घण्टामा भएको ८ हजार ५८९ पीसीआर परीक्षणका क्रममा ७३० जना संक्रमित पहिचान भएका छन् भने ५ हजार १४७ को एन्टिजेन परीक्षणका क्रममा १०४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
यससँगै नेपालमा संक्रमितको संख्या ८ लाख ८१ हजार ९३९ पुगेको छ। त्यस्तै, पछिल्लो २४ घण्टामा एक हजार २७९ जना संक्रमित संक्रमणमुक्त भएका छन्। यससँगै संक्रमणमुक्त हुनेको संख्या ७ लाख ६१ हजार १५४ पुगेको छ। जुन कूल संक्रमितको ९६.१८ प्रतिशत हो।
पछिल्लो २४ घण्टामा ९ जना संक्रमितको मृत्यु भएको मन्त्रालयले पुष्टि गरेको छ। यससँगै मृत्यु हुने संक्रमितको संख्या ११ हजार ९६ पुगेको छ। नेपालमा अहिले १९ हजार १४२ सकृय संक्रमित रहेको मन्त्रालयले जनाएको छ।
