काठमाडौं । काठमाडौंको बुढानीलकण्ठ नगरपालिकाको वडा कार्यालयमा सोमबार एक शव फेला परेको छ ।
सो नगरपालिकाको वडा नम्बर ८ को गोल्फुटारस्थित वडा कार्यालयको शौचालयमा एक पुरुषको शव फेला परेको प्रहरी वृत्त महाराजगञ्जले जनाएको छ । शवको पहिचान खुल्न सकेको छैन ।
शव पोस्टमार्टमका लागि त्रिवि शिक्षण अस्पताल महाराजगञ्ज लगिएको छ । पोस्टमार्टमको रिपोर्ट आएपछि घटनाबारे थप जानकारी प्राप्त हुन सक्ने महाराजगञ्ज प्रहरी वृत्तका एक अधिकृतले बताए । घटनाबारे अहिले अनुसन्धान जारी रहेको उनले बताए ।