गुल्मी । गुल्मीको चन्द्रकोट गाउँपालिका- ७ का ४८ वर्षीय शिवबहादुर पुलामीको हत्या गरेको आरोपमा प्रहरीले दुई जनालाई सोमबार पक्राउ गरेको छ ।
गत २४ भदौमा मादकपदार्थ सेवन गरेर उनकै भतिज २७ वर्षीय हिमबहादुर पुलामी र ज्वाइँ सत्यवती गाउँपालिका- ३ का २१ वर्षीय हिमाल राहदीले मृतक पुलामीलाई कुटपिट गरेको जिल्ला प्रहरी कार्यालय गुल्मीका प्रहरी नायव उपरीक्षक पुरुषोत्तमप्रसाद पाण्डेयले जानकारी दिए ।
कुटपिटपछि गम्भीर घाइते पुलामीको स्थानीय स्वास्थ्य संस्थामा उपचारको क्रममा २७ भदौमा मृत्यु भएको थियो । घटनापछि फरार दुई जनालाई अहिले पक्राउ गरेर हिरासतमा राखेर अनुसन्धान भइरहेको पाण्डेयले बताए ।
