काठमाडौं । त्रिभुवन अन्तर्राष्ट्रिय विमानस्थलमा विदाई कार्यक्रम गर्न नपाइने भएको छ ।
त्रिभुवन अन्तर्राष्ट्रिय विमानस्थल नागरिक उड्डयन कार्यालयले विमानस्थलमा भीडभाड कम गर्न विमानस्थल हाताभित्र विदाई कार्यक्रम नगर्न आग्रह गरेको हो ।
कोरोना संक्रमणको नया भेरियन्ट फैलिरहेकाले विदाई कार्यक्रम निरुत्साहित गर्न अत्यावश्यक अवस्थाभन्दा बाहेक विमानस्थल प्रवेश नगर्न भनेको हो ।
विमानस्थलमा आवतजावत गर्दा अनिवार्य रुपमा मास्कको प्रयोग गर्न समेत आग्रह गरिएको छ ।
शरीरको तापक्रम मापन गराएर टर्मिनल भवन भित्र प्रवेश गर्न, सेनिटाइजरको प्रयोग गर्ने, लाइन बस्दा आवश्यक दूरी कायम गर्न समेत विमानस्थलले सबैमा आग्रह गरेको छ ।
