काठमाडौं । बैंकिङ कसूर (चेक बाउन्स) मुद्दामा दोषी ठहर भइ फरार रहेका एक जना पक्राउ परेका छन् ।
पक्राउ पर्नेमा पाँचथरको मिक्लाजुङ गाउँपालिका–६ घर भई काठमाडौं टोखा बस्ने ४२ वर्षीय चिरायु खालिङ छन् ।
उनलाई प्रहरीको केन्द्रीय अनुसन्धान ब्युरो (सीआईबी) ले महालक्ष्मीस्थानबाट शनिबार पक्राउ गरेको हो ।
उनलाई चेक बाउन्सको मुद्दामा उच्च अदालत पाटनले गत फागुन १० गते ६ दिन कैद र १५ लाख ५० हजार रुपैयाँ जरिवाना तोकेको थियो ।
फैसला कार्यान्यवनका लागि उनलाई अदालतमा बुझाइएको ब्युरोका प्रवक्ता प्रहरी उपरीक्षक श्यामकुमार महतोले जानकारी दिए ।
