अमेरिकी राजदूत र्यान्डी बेरीले बुढानिलकण्ठस्थित देउवा निवासमा पुगेर प्रधानमन्त्री शेरबहादुर देउवालाई बधाई दिएका छन् ।
आजकाे भेटमा नेपाल–अमेरिका सम्बन्ध सुधारका विषयमा कुराकानी भएको प्रधानमन्त्री देउवाको सचिवालयले जानकारी दिएको छ ।
भेटघाटमा प्रधानमन्त्री देउवाले बेरीलाई नेपाललाई थप कोरोनाभाइरसविरुद्धको खोप दिन अनुरोध गरेका थिए । बेरीले यसमा सहमति जनाएका छन् । आज बिहीबार देउवालाई भेट्न बेरी बुढानीलकण्ठ पुगेका थिए ।
