झापा । झापाको अर्जुनधारा नगरपालिकाका मेयरको माछापोखरीमा डुबेर ४० वर्षीय पुरुषको मृत्यु भएको छ ।

आइतबार साँझ पौने ६ बजेतिर माछा मार्न पोखरीमा गएका अर्जुनधारा ११ का माइकल सोरेन डुबेर बेपत्ता भएका थिए ।

बेपत्ता भएको खबर थाहा पाएलगत्तै प्रहरीको टोलीले सोरेनलाई खोज्ने प्रयास गरेको थियो ।

नेपाली सेना, नेपाल प्रहरी र सशस्त्र प्रहरीको उद्धार टोलीले उनको शव सोमबार बिहान १० बजेतिर पोखरीबाट बाहिर निकालेको थियो ।