नेपालमा थप दुई हजार ६०७ जनामा कोरोना संक्रमण पुष्टि भएको छ । पछिल्लो २४ घण्टामा १२ हजार ४८४ स्वाब नमुना परीक्षण गर्दा दुई हजार ६०७ जनाको नतिजा पोजिटिभ आएको हो ।
सात हजार ७११ नमुनाको पीसीआर परीक्षण गर्दा एक हजार ७६८ र चार हजार ७७३ नमुनाको एन्टिजेन विधिबाट परीक्षण गर्दा ८३९ जनामा संक्रमण देखिएको हो ।
त्यस्तै पछिल्लो २४ घण्टामा ३९ जनाको ज्यान गएको जनाएको छ । योसँगै नेपालमा कोरोनाका कारण मृत्यु हुनेको संख्या आठ हजार ५९७ पुगेको छ ।
दुई हजार एक सय ४१ जनामा कोरोना भाइरस संक्रमण जितेको छ । योसँगै नेपालमा कोरोनामुक्त हुनेको संख्या पाँच लाख ४५ हजार ६६२ पुगेको छ ।संक्रमितको संख्या ६१ हजार ७२५ छ ।
