काठमाडौं । मौसम पूर्वानुमान महाशाखाले अझै तीन दिन मुलुकका केही भागमा आंशिक तथा मध्यम वर्षा हुने जनाएको छ ।
महाशाखाले आइतबार साँझ सार्वजनिक गरेको पूर्वानुमानमा देशका कतिपय भागमा चट्याङ पर्ने र केही स्थानमा हावाहुरी आउने उल्लेख छ ।
सोमबार साँझसम्ममा प्रदेश १, प्रदेश २, बाग्मती र गण्डकी प्रदेशका थोरै स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेकोले सामान्य सतर्कता अपनाउन पनि महाशाखाले आग्रह गरेको छ ।
यस्तो छ तीन दिनको पूर्वानुमान
मौसम विश्लेषण
हाल देशमा पश्चिमी वायु, स्थानीय वायु र भारतको उत्तर प्रदेश तथा यसको आसपासमा रहेको न्यून चापीय क्षेत्रको सामान्य प्रभाव रहेको छ ।
हाल मौसमको अवस्था
हाल देशका पहाडी भू-भागका अधिकांश स्थानहरूमा आंशिक देखि सामान्य बदली रहेको छ। प्रदेश १. गण्डकी प्रदेश र सुदूर पश्चिम प्रदेशका एक दुई स्थानमा हल्का वर्षा भइरहेको छ ।
तीन दिनको मौसम पूर्वानुमान
२०७८ जेठ १६ गते (आइतबार)
राति: देशभर आंशिकदेखि सामान्य बदली रही प्रदेश १, प्रदेश २ र बागमती प्रदेशका थोरै स्थानहरूमा तथा बाँकी प्रदेशका एक दुई स्थानमा मेघगर्जन / चट्याङसहित हल्कादेखि मध्यम वर्षा को सम्भावना रहेको छ ।
२०७८ जेठ १७ गते (सोमबार)
दिउँसो: देशभर आंशिकदेखि सामान्य बदली रही प्रदेश १, प्रदेश २, बाग्मती र गण्डकी प्रदेशका थोरै स्थानहरूमा र बाँकी प्रदेशका एक दुई स्थानमा मेघगर्जन / चट्याङसहित हल्कादेखि मध्यम वर्षाको सम्भावना रहेको छ ।
राति: देशभर आंशिकदेखि सामान्य बदली रही प्रदेश १, प्रदेश २, बाग्मती प्रदेशका थोरै स्थानहरूमा र बाँकी प्रदेशको एक दुई स्थानमा मेघगर्जन / चट्याङसहित हल्कादेखि मध्यम वर्षाको सम्भावना रहेको छ ।
२०७८ जेठ १८ गते (मंगलबार)
दिउँसो: देशका अधिकांश भू-भागमा सामान्य बदली रही केही स्थानहरूमा मेघगर्जन / चट्याङ /हावाहुरीसहित हल्कादेखि मध्यम वर्षाको सम्भावना रहेको छ ।
राति: प्रदेश १ र बाँकी पहाडी भू-भागमा आंशिकदेखि सामान्य बदली र अन्य स्थानहरूमा आंशिक बदली रही मेघगर्जन / चट्याङसहित प्रदेश १ का थोरै र बाँकी भू-भागका एक दुई स्थानमा हल्का वर्षाको सम्भावना रहेको छ ।
आगामी २४ घण्टाका लागि चेतावनी तथा परामर्श
प्रदेश १, प्रदेश २, बाग्मती र गण्डकी प्रदेशका थोरै स्थानहरूमा मेघगर्जन / चट्याङसहित हल्कादेखि मध्यम वर्षाको सम्भावना रहेकोले सामान्य सतर्कता अपनाउन हुन अनुरोध छ ।
