काठमाडौं । आज बिहानैदेखि देशभरको मौसममा सुधार आएको छ । मुलुकका अधिकांश भागमा आकाश खुलेको र घाम लागेको छ ।
मौसम पूर्वानुमान महाशाखाका अनुसार आज देशका केही पहाडी भूभागमा आंशिक बदली हुने छ भने बाँकी भागमा मौसम सफा रहेको छ ।
अपराह्नतिर देशका केही पहाडी स्थानमा मेघ गर्जन, चट्याङसहित हल्का वर्षाको सम्भावना रहेको महाशाखाले जनाएको हो ।
आज राति भने देशका अधिकांश भागमा आंशिकदेखि सामान्य बदलीको सम्भावना रहेको छ । पहाडका केही दुई स्थानमा मेघगर्जन र चट्याङसहित पानी पर्ने सम्भावना रहेको छ ।